ගිං ගඟ, ශ්‍රී ලංකාවේ ගාලු දිස්ත්‍රික්කයේ පිහිටා ඇති කිලෝමීටර් 115.9 (සැතපුම් 72) දිග ගංගාවකි. සිංහරාජ රක්ෂිතයට මායිම්ව දෙනියාය ආසන්නයේ ගොංගාල කඳුවැටියේ ගංගාවේ මූලාරම්භය පිහිටා ඇත. බද්දේගම, නාගොඩ, තෙලිකඩ, හෑගොඩ යන ගම්මාන පසුකර ගඟ ගලා යයි. ශ්‍රී ලංකාවේ දිගම පාලම වන වක්වැල්ල පාලම ඉදිකර ඇත්තේ මෙම ගඟ හරහාය. ගංගාව තෙලිකඩදී ද වේල්ලක් බැඳ ඇත. ඉන්දියන් සාගරයට ගලා බසින ගංගාවේ මුඛය ගාල්ලට උතුරින් ගිංතොට පිහිටා ඇත.